იუსტიციის სამინისტროს დანაშაულის პრევენციის ცენტრისა და საქართველოს ეროვნული არქივის თანამშრომლობით გრძელდება დანაშაულის პრევენციის ცენტრის ახალგაზრდული პროგრამების მონაწილეების სასწავლო ვიზიტები ეროვნულ არქივში.
15 მოსწავლისაგან შემდგარი მორიგი ჯგუფი 9 დეკემბერს ეროვნულ არქივის რესტავრაციის ლაბორატორიის მუშაობას გაეცნო. რესტავრაციის პროცესმა ახალგაზრდების დიდი დაინტერესება გამოიწვია. მათ საშუალება მიეცათ, დოკუმენტების მულიაჟები თავად აღედგინათ.
ერთობლივი პროექტი - „ვიზიტი ეროვნულ არქივში“ 18 ნოემბერს დაიწყო. საგანმანათლებლო პროექტის ფარგლებში პრევენციის ცენტრის ახალგაზრდული პროგრამების მონაწილეებს ეროვნული არქივი სხვადასხვა სასწავლო ტურს სთავაზობს: დოკუმენტების რესტავრაციის ლაბორატორიაში სტუმრობას, კინოფოტოფონოდოკუმენტების, საისტორიო და უახლესი ისტორიის ცენტრალური არქივების მასალების გაცნობასა და დოკუმენტების საცავების დათვალიერებას.
იუსტიციის სამინისტროს დანაშაულის პრევენციის ცენტრის მუშაობის ერთ-ერთი მიმართულება ახალგაზრდებში სამოქალაქო და შემეცნებითი ცნობიერების ამაღლებაა.