საქართველოს იუსტიციის სამინისტროს ეროვნული არქივის რესტავრაციის ლაბორატორიაში 2014 წლის იანვარ-მარტში სარესტავრაციო და საკონსერვაციო სამუშაოები ჩაუტარდა: 5 352 ფურცელს, 254 ფოტოპოზიტივს, 39 ტექნიკურ ნახაზსა და 2 რუკას.

რესტავრირებულ დოკუმენტთა შორისაა: საისტორიო ცენტრალური არქივის ძველ საბუთთა განყოფილების ხელნაწერი დოკუმენტები - 180 ფურცელი, მათ შორის მე-18-მე-19 საუკუნეების დოკუმენტები ქართული საბუთების დედნებისა და ოსმალური საბუთების კოლექციებიდან.ამ პერიოდში დაიწყო მე-14 საუკუნის ხელნაწერის, ეტრატზე შესრულებული ჟამნგულანის (საღვთისმსახურო წესების კრებული) რესტავრაცია.

გარდა რესტავრაციისა, ლაბორატორიაში სადეზინფექციო სამუშაოები ჩაუტარდა ძველ საბუთთა განყოფილების 3 714 ფურცელს.

ლაბორატორია ჩართულია, აგრეთვე, დოკუმენტების დიგიტალიზაციის პროექტში, რომლის ფარგლებშიც სამი თვის განმავლობაში დასასკანერებლად მომზადდა და შემდეგ ხელახლა აიკინძა 448 საქმე.