საქართველოს იუსტიციის სამინისტროს ეროვნული არქივის ცხელი ხაზის მომსახურებით 2010 წლის განმავლობაში 1000-მდე მოქალაქემ ისარგებლა. ტელეფონის ნომერზე: 140505 დარეკვით ნებისმიერ მოქალაქეს შეუძლია მიიღოს მისთვის საინტერესო ინფორმაცია ეროვნული არქივის საქმიანობასა და მომსახურებასთან დაკავშირებით.ეროვნული არქივის ცხელ ხაზზე მოქალაქეები, ძირითადად, არქივში ცნობის (სამუშაო სტაჟის დამადასტურებელი ცნობა; დაბადების, გარდაცვალების, ქორწინების ცნობა; რეპრესიისა და რეაბილიტაციის ცნობა; გენეალოგიური და ბიოგრაფიული ხასიათის ცნობა და სხვ.) მოძიების პროცედურებს, ადგილობრივი არქივების მდებარეობას, მომსახურების პირობებს არკვევენ.