IX საერთაშორისო სამეცნიერო კონფერენცია „არქივთმცოდნეობა, წყაროთმცოდნეობა - ტენდენციები და გამოწვევები“
კონფერენციის პირველი სექციის სხდომების ტრანსლაციის ბმული:https://us02web.zoom.us/j/81325230782?pwd=Yq3xilJoyvEaMvBcfU5AOkBXyoyJ4X.1
საქართველოს ეროვნული არქივი აცხადებს IX საერთაშორისო სამეცნიერო კონფერენციაში მონაწილეობის მსურველთა თეზისების მიღებას.
კონფერენცია გაიმართება 2024 წლის 10-12 ოქტომბერს და მიეძღვნება ქეთევან დედოფლის მოწამეობრივი აღსასრულიდან 400 წლისთავს.
კონფერენციის მიზანი:
- სამეცნიერო სიახლეების თავმოყრა;
- ქართველ და უცხოელ მეცნიერებს შორის მჭიდრო სამეცნიერო კავშირების სტიმულირება;
- ინტერდისციპლინური და ინტერკულტურული კვლევების ხელშეწყობა;
- კულტურული მემკვიდრეობის მენეჯმენტის თანამედროვე მოთხოვნებთან ადაპტაციის გზების ძიება;
- ციფრული ჰუმანიტარიის სფეროს სიახლეების გაზიარება.
კონფერენციის სამეცნიერო მიმართულებები:
- ფილოლოგია (კლასიკური, ბიზანტიური და ახალბერძნული ფილოლოგია, ლიტერატურა, ლინგვისტიკა, ენათმეცნიერება, ლიტერატურის თეორია, კოდიკოლოგია-ტექსტოლოგია, ფოლკლორისტიკა);
- ისტორია, წყაროთმცოდნეობა, არქივთმცოდნეობა, ეთნოლოგია, არქეოლოგია, ანთროპოლოგია;
- ხელოვნებათმცოდნეობა (გამომსახველობითი და დეკორატიულ-გამოყენებითი ხელოვნება, არქიტექტურა, აუდიო და ვიზუალური ხელოვნება, ხელოვნების თეორია და ისტორია, ქორეოგრაფია);
- კულტუროლოგია (მუზეუმოლოგია, სიძველეთმცოდნეობა, კულტურის თეორია და ისტორია);
- ციფრული ესთეტიკა და დიზაინი;
- ციფრული არქივები და მონაცემთა ბაზები;
- კონსერვაცია-რესტავრაცია.
ძირითადი მოთხოვნები:
- კონფერენციაში მონაწილეობის მიღება შეუძლიათ როგორც აკადემიური ხარისხის მქონე პირებს, ისე მაგისტრებსა და დოქტორანტებს.
- მაგისტრებისა და დოქტორანტების შემთხვევაში აუცილებელია რეკომენდატორის მითითება, საკონტაქტო ინფორმაციით (რეკომენდატორის აკადემიური ხარისხი, მეილი, ტელეფონი).
- საკონფერენციო თემა უნდა შეიცავდეს მეცნიერულ სიახლეს და არ უნდა იყოს გამოქვეყნებული ან წაკითხული სხვა სამეცნიერო ღონისძიებაზე.
- თეზისების მოცულობა არ უნდა აღემატებოდეს 500 სიტყვას;
- კონფერენციის სამუშაო ენები: ქართული და ინგლისური.
მნიშვნელოვანი თარიღები:
- თეზისების წარდგენის ბოლო ვადაა 2024 წლის 26 ივლისი. (დასრულებულია)
- თეზისების მიღების დამადასტურებელი შეტყობინების დაგზავნის ბოლო ვადაა 2024 წლის 6 სექტემბერი. (დასრულებულია)
გთხოვთ, გაითვალისწინოთ, რომ ყველა შემოსული განაცხადი გაივლის ანონიმურ რეცენზირებას.
ინსტრუქცია:
გთხოვთ, შეავსოთ სარეგისტრაციო ფორმა და გადმოგვიგზავნოთ შემდეგ ელექტრონულ მისამართზე: conferences@archives.gov.ge.
იხილეთთეზისების შედგენისა და გაფორმების წესი
დამატებითი ინფორმაცია:
კონფერენციის მასალები დაიბეჭდება ან მასალების ელექტრონული ვერსია განთავსდება ეროვნული არქივის საიტზე.
კონფერენციის თეზისები იხილეთ ბმულზე: https://archive.gov.ge/storage/files/doc/konferentsiis_tezisebi_2024_kartuli.pdf
იხილეთ კონფერენციის პროგრამა
