განყოფილება წარმოადგენს ეროვნული არქივის სტრუქტურულ ერთეულს, რომელიც თავისი საქმიანობისას ხელმძღვანელობს საქართველოს კონსტიტუციით, „ ეროვნული საარქივო ფონდისა და ეროვნული არქივის შესახებ “ საქართველოს კანონით, სსიპ საქართველოს ეროვნული არქივის დებულებითა და სხვა საკანონმდებლო და კანონქვემდებარე ნორმატიული აქტებით, ეროვნული არქივის შინაგანაწესით და განყოფილების დებულებით.

განყოფილების ძირითადი ამოცანები და ფუნქციები:

• საქართველოს უახლესი ისტორიის ცენტრალური არქივის დაკომპლექტების წყარო-დაწესებულებების, აგრეთვე, სხვა იურიდიულ პირთა დოკუმენტების სამეცნიერო-ტექნიკური დამუშავება (მოწესრიგება).

• საარქივო საქმის მოქმედი მეთოდოლოგიური და ნორმატიული მოთხოვნების შესაბამისად, ასევე, საქმისწარმოების საკითხებზე ნორმატიული მეთოდოლოგიური დოკუმენტების შედგენა.

განყოფილება ფუნქციონირებს სახელშეკრულებო საწყისებზე; მომსახურების საფასურის გადახდა რეგულირდება საქართველოს მთავრობის დადგენილებით გათვალიწინებული საფასურების შესაბამისად.